റിലയൻസ് ജിയോ ഏഴാം ജന്മദിനത്തിലെ ഗംഭീര ഓഫറുകൾ ഉടൻ അവസാനിക്കും: ഈ ഓഫറുകൾ മിസ് ചെയ്യരുതേ

ടെലികോം രംഗത്ത് വിപ്ലവകരമായ മാറ്റങ്ങൾ കൊണ്ടുവന്ന കമ്പനിയായ റിലയൻസ് ജിയോ ഇപ്പോൾ ഏഴിന്റെ നിറവിലാണ്. ടെലികോം മേഖലയിൽ ഏഴ് വർഷം പിന്നിടുമ്പോൾ ഉപഭോക്താക്കൾക്കായി ഗംഭീര ഓഫറുകളാണ് ജിയോ ഒരുക്കിയിരിക്കുന്നത്. ഉപഭോക്താക്കൾക്ക് 21 ജിബി വരെ ബോണസ് ഡാറ്റയാണ് കമ്പനി വാഗ്ദാനം ചെയ്യുന്നത്. സെപ്റ്റംബർ 30 വരെയാണ് അധിക ഡാറ്റയും പ്രത്യേക വൗച്ചറുകളും ലഭിക്കുക. വാർഷികത്തോടനുബന്ധിച്ച് 299, 749, 2,999 രൂപയുടെ റീച്ചാർജ് പ്ലാനുകളിലാണ് ആനുകൂല്യങ്ങൾ ഉൾക്കൊള്ളിച്ചിരിക്കുന്നത്.

28 ദിവസത്തെ വാലിഡിറ്റി ലഭിക്കുന്ന 299 രൂപയുടെ പ്ലാനിൽ പ്രതിദിനം രണ്ട് ജിബി ഡാറ്റ, അൺലിമിറ്റഡ് കോൾ, പ്രതിദിനം 100 എസ്എംഎസ് എന്നിവയാണ് ലഭിച്ചിരുന്നത്. എന്നാൽ, വാർഷിക ഓഫറിന്റെ ഭാഗമായി ഈ പ്ലാനിന് കീഴിൽ 7 ജിബി അധിക ഡാറ്റ ലഭിക്കും. 749 രൂപയുടെ പ്ലാനിൽ സാധാരണയായി പ്രതിദിനം 2 ജിബി ഡാറ്റയാണ് ഉൾപ്പെടുത്തിയിട്ടുള്ളത്. പുതിയ മാറ്റം അനുസരിച്ച്, പ്ലാനിൽ 14 ജിബി ഡാറ്റ ഉപഭോക്താക്കൾക്ക് അധികമായി ലഭിക്കും. അതേസമയം, 2,999 രൂപയുടെ പ്ലാനിൽ പ്രതിദിനം 2.5 ജിബി ഡാറ്റ, അൺലിമിറ്റഡ് കോൾ, പ്രതിദിനം 100 എസ്എംഎസ് എന്നിവയാണ് ലഭിച്ചിരുന്നത്. ഏഴാം വാർഷികത്തിന് ഭാഗമായി വരിക്കാർക്ക് 21 ജിബി ഡാറ്റ അധികമായി ലഭിക്കും.